လမ်းသွားလမ်းလာတွေနည်းသွားသမို့ သူ့ရဲ့ လှုပ်ရှားမှုကို အလွယ်တကူ မမြင်နိုင်တော့ပါဘူး
အိမ်ကလေးကတော့ ပြတင်းပေါက်ကနေ မှောင်နေတဲ့ သူရပ်နေတဲ့ အပြင်လောကကြီးကို အလင်းတွေ သွန်ချနေလေရဲ့
သူပြတင်းပေါက်နားကို တိုးတိုးလေးကပ်သွားတယ်.. ဘယ်သူ့ကိုမှ အနှောက်အယှက်မဖြစ်စေချင်ဘူးလေ...
ပြတင်းပေါက်ကတဆင့် မြင်ရတဲ့ အိမ်ထဲမှာတော့ သူ့ရဲ့ ချစ်ရခင်မင်ရပါသော သူတွေ ပျော်ရွှင်ချမ်းမြေ့ နေကြလေရဲ့
သူထွက်ခွာမသွားခင်တုန်းက အတိုင်းပဲလေ...
ထွက်ခွာဖို့ မဆုံးဖြတ်ခဲ့ဘူးဆိုရင် တကယ်ဆို သူလဲ ဒီအိမ်လေးထဲမှာ ဒီချစ်ခင်ရသူတွေနဲ့ ရီလိုက်မောလိုက် နောက်လိုက်ပြောင်လိုက် လုပ်နေခဲ့မှာ အသေအချာပဲ
ခုချိန်မှာဆိုလဲ သူ့ကို အရေးအရာလုပ်ပြီး သတိရမယ့်ချစ်ခင်သူဆိုတာ ရှိနိုင်ပါဦးမလား သံသယဖြစ်မိနေတယ်...
သူ ဆက်ပြီး မည်သူမှ သတိမထားမိစွာပဲ ရပ်ကြည့်နေမိတယ်...
ခြေထောက်တွေ အေးစက်တောင့်တင်းလာသည်အထိပေါ့
ခဏနေတော့ အဆုံးမရှိတဲ့ လောကကြီးထဲကို သူထွက်သွားလေရဲ့
သူ့ဘက်က သတိတရ ရှိခဲ့ရင်တော့ ဒီလိုပဲ ပြန်လာပြီး တိတ်ဆိတ်စွာ လာချောင်းကြည့်ဦးမှာပါ
No comments:
Post a Comment